පිටුව

Tuesday, February 15, 2011

105 කොටස



මම ඇඳට උණාට පස්සේ මුන් ඔක්කොමලා මාව වටේ යවන්න පුරුදු වෙලා. මම කවදාවත් ගැන්සිය මෙහෙම වැඩක් කරයි කියලා බලාපොරොත්තු උණේ නෑ. ඒ කියන්නෙ ලිහිණි තාම හොයාගෙන නැද්ද... ලිහිණි විදියට එදා මට කතා කලේ තාරකා තමයි. ලිහිණිට මොකක් හරි කරදරයක්වත්ද? ඒ කියන්නේ එදා මට තාරකත් බොරු කිව්වා. මම කොහොමද මුන්ගෙන් එකෙක්වත් විශ්වාස කරන්නෙ.ටික වෙලාවකින් අක්කා මගෙ ලඟට ඇවිල්ලා ඔළුව අත ගෑවා. අනික මට පෙන්නන්න බැරි මේ අනුකම්පාව තමයි.
"මොකද්ද මයියා මේ ප්‍රශ්නේ"
"කිසි ප්‍රශ්නයක් නෑ... පේන්නෙ නැද්ද මගෙ මුනේ තියන ආතල් එක"මම රෝද පුටුව කැරකෙව්වා
"ඔයා කරදරෙන් අපි ඒක දන්නවා... අපි ඉක්මනට ඔයාව ඇවිද්දවනවා" අක්කා ඔන්න ආයෙමත් කියනව. මේ කකුල් දෙක නෑ කියලා මට ඉවසන්න පුලුවං ඒත හත දෙයියනේ මේ ගල පැලෙන කෙප්ප කාටද ඉවසන්න පුළුවං.
"මේ අක්කේ මට ඇත්තටම දැං බයිලා අහන්න වෙලාවක් නෑ....." මම යන්න ලෑස්ති වෙනකොට අක්කා රෝද පුටුව පිටිපස්සේ ඉඳං තල්ලු කලා.
" කවුරුත් මගේ පස්සේ එන්න ඕනේ නෑ මම දන්නවා යන විදිය" අර අරෝන් ආතට මූඩියක් පෑගුණා වගේ මම රෝද පුටුව තල්ලු කරන් ගියා. ඇත්තම කියනවා නම් මගේ මල දුර දිගටම පැනලා තියෙන්නේ. මට කාමරේ ලඟට යන්න හම්බ උණේ නෑ මෙන්න කෝල් එකක්. මම කාමරේට අමාරුවෙන් ඇතුල් උණා.
"උඹට මයියා...." අක්කාගේ කටහඬේ පැහැදීමක් නම් තිබ්බෙ නෑ.
"කවුද?" මම ආයේ ටෙලිෆෝන් එක පැත්තට හැරෙන්නේ නැතුවම අහුවා
"මම කොහොමද දන්නේ.... ඇවිත් බලා ගන්න එකයි ඇත්තේ" අප්පටසිරි අක්කටත් මල පැනලානේ. ඇත්තනේ මේ ලොකේ මල පනින්නේ මට විතරයෑ. මම ආයේ රොද පුටුව ඌ ටර්න් එකක් දැම්මා. මේක අරං යන එක ලේසි නෑ. මම ආයේ එතනට යනකොට මිනිත්තු 5ක් විතර ගියා.
"හලෝ"
"හ හලෝ" මේ කටහඬ මට අඳුණන්න බැරිද? 
"කවුද?" මම බොරුවට ඇහුවා. මම හොඳට දන්නවා ඒ තාරකා කියලා
"තාරකා..."
"ෂුවර්ද ඔය ලිහිණි නෙවෙයි කියලා" මම එහෙම අහුවේ ටිකක් තදින්
"ලිහිණි නෙවෙයි"
" මට ෂුවර් නෑ" 
"තෙනුර..... ඔයාට තරහ ගිහින්"
"නෑ නෑ මට තරහ ගියේ නෑ තාම ආව විතරයි"
"ඔයාට තරහ ගන්න හොඳ නෑ"
"මට හොඳ දේවල් නරක දේවල් කියන්න ඔයා මගේ කවුද?" වැරදි මොනා හරි කියවුණාද මන්දා
"කවුද නම් මම දන්නේ නෑ... ඒත් ඔයා ඔහොම ඉන්නවා බලන්න මට බෑ "
"ඔයා මම ඉන්නේ කොහොමද කියලා දැක්කේ නෑ නේ"
"මට ඔහොම කතා කරන්න එපා තෙනුර..." ටැප් එක ලාවට ඇරිලා වගේ. මට දුක නම් තාම හිතුණේ නෑ.
"ඔයා මම ගැන කරදර වෙන්න ඕනේ නෑ.. ඒකට මගේ අම්මලා තාත්තාලා ජීවතුන් අතර ඉන්නවා. ඔයා බුවා එක්ක සතුටින් ඉන්න එකයි ඇත්තේ..." ඈ යකෝ ඒ කියන්නේ දැං මට මේ ඩෝං ගියේ බුවා තාරකා දෙන්නාගේ ෆිට් එක නිසාද? අම්මපා දැං ඒ වචන ටික කටින් පිට වෙනකං ඒක මමවත් දැනගෙන හිටියේ නෑනේ. මාර සීන් එක. දැං ඉතිං කියපුවා ගන්න යෑ.
"රුවන් මට උදව් කලේ තෙනුර..... එයා මට ඉන්න හිටින්න තැනක් හදලා දුන්න එච්චරයි"දැං නම් මාර ප්‍රෂර් එකකින් ටැප් එක වැඩ.
"එහෙම කියලා ඌත් එක්ක එකතු වෙලා බොරු කියන එක හරිද?" දැං මගේ අර තිබ්බ කටේ සැරත් අඩු වෙලාද කොහෙද?
"නෑ එහෙම කරන එක වැරදියි. ඒත් මම ඔයාට බොරු කිව්වේ ඔයා ගැන හිතලා"
"මරුම මරු කතාව"
"ඔයා මට ඕනෙ තරම් බනින්න... ඔයා ලිහිණි නිසා ගොඩාක් දුකින් හිටියේ.... ඔයාට එහෙම ඉන්න හොඳ නෑ ඒකයි මමත් බොරු කිව්වේ"
"නිදහසට මගේ මොලේ අමාරුව ගාව ගන්න ඕනේ නෑ තාරකා....."
"කුමාරි ඇන්ටිලා ඔයාව බලන්න එනකොට මාව ගෙනල්ලා කොළඹ බැස්සුවා සමරනායකලෑ ගෙදර යන්න කියලා. එයාලා හිතන්නේ ඒ මගේ මාමා කියලානේ. මට එවෙලේ කර කියා ගන්න දෙයක් නෑ.... මම සමරනායකලෑ ඇඩ්‍රස් එක හොයාගෙන හොයාගෙන ආවා. ඒ එනකොට රුවන්ලා ඒ පැත්තට මාව පාස් කරගෙන ගියා. රුවන්ලා මාව අඳුණගෙනද කොහෙද වාහනේ ඇවිත් මම කොහෙද යන්නේ කියලා ඇහුවා. මම යන තැන කිව්වාම එතන හිටිපු අනිත් එක්කෙනා එහෙ යන්න එපා කියලා මාව වාහනේ නග්ග ගත්තා. මාව වාහනේ තියා ගන්න බැරි නිසා තමයි රුවන් එයාලෑ නැන්දාලෑ ගෙදර මාව බැස්සුවේ. "
" ලිහිණි තාම ආගිය අතක් නෑ ඔයා ඒක දන්නවාද?"
"ලිහිණි ඉන්නවා.... ලිහිණිව දෙන්න එයාල ලිහිණිගේ තාත්තාගෙන් කප්පන් ඉල්ලනවා...."
"මොනවා....කවුද එහොම කරන්නේ?"
"රුවන්ලා ඒ ගැන තමයි හොයන්නේ... ලිහිණි එක්ක අරං ගිය අනිත් ගෑනු කෙනාගේ අතපය බැදලා පාරේ දාලා ගිහින් තිබිලා" තාරකා මේ කියන්නේ අළුත් අම්මා ගැන වෙන්න ඕනේ. අළුත් අම්මාව ජයවීරට අහු උණේ කොහොමද එතකොට. මාර ප්‍රශ්න ගොඩයි.
"හ්ම්ම්ම්...... දැං ඔය හොටු පෙරන එක නවත්තන්න" මම හිමින් කිව්වා
"මට සමා වෙන්න තෙනුර"
"හරි හරි..... දැං මීට පස්සේ ඔයා වැඩ කරන්න ඕනේ මට ඕනේ විදියට හරිද?"
" මොනාද?"
"රුවන්ගෙන් නිවුස් අහගෙන ඔයා මට වාර්ථා කරන්න ඕනේ.... මම දන්නවා උන් මට මොකුත් කියන්නේ නෑ කියලා"
" හා....."
" ඔයා සමරනායකලාගෙ ගෙදර ගියේ නැති එක හොඳයි, දැං බුවාගේ නැන්දා ඉන්නවාද?"
"නෑ එයා ඡන්දේ දාල එන්න ගියා"
"මමයි ඔයාට කෝල් කලේ කියලා ඔයා කොහොමද දැන ගත්තේ?"
"මේකෙ සී එල් අයි තියනවා"
"ඒකත් එහෙමද?" මට යන්තම් හිනා ගියා
"තාරකා...."
"හ්ම්ම්ම්ම්"
"කවදද මාව බලන්න එන්නේ?" 
"ඔයා මට එන්න කියන ඕනෙම දවසක"
"දැං?" මම එහෙම අහලා වටපිට බැලුවා කවුරුත් නෑ. 
"රුවන් ආවම එන්නද?"
"දැං රුවන් නැතුව මොකුත් බෑ වගේ නේ"
"එහෙම නෙවෙයි. මම ඔයාලෑ ගෙදර තනියම එන්න දන්නේ නෑනේ" මට හිනා ගියා.... පව් අහිංසක කෙල්ල... වෙලාවකට නප්පියට මට මෙයා එක්ක මල පැන්නට එක චුට්ට වෙලාවයි. 
"මම දැං තනියම කිසි දෙයක් කර ගන්න බැරි මිනිහෙක් තාරකා.... ඔයා රුවන්ට ලං වෙන එක හොඳයි. එතකොට මම නැති කාලෙක ඔයාගෙ හොටු පිහින්න කවුරු හරි ඉන්නවා"
"ඔයාට පිස්සුද තෙනුර.....?"
"හ්ම්ම් චුට්ටක් විතර" තාරකා ටික වෙන්න හිනා උණා....
"ඔයාව සනීප කරන්න පුළුවං වෙදෙක් ගැන මම රුවන්ට කිව්වා.... ඔයා එහෙ යනවා නම් මමත් එනව ඔයාට සාත්තු කරන්න" මගේ පපුව කඩාගෙන ඒ වචන ටික බොක්කෙම තැම්පත් උණා. 
"මම ගැන එච්චර හිතන්න ඕනේ නෑ..... ඔයා හොඳින් ඉන්න... "
"ඔයා කල්පනා කරලා බලන්නකෝ ... ඒ වෙද ගෙදර පුංචි පුංචි කටු මැටි කුටි වගේලු හදලා තියෙන්නේ.... වෙද මහත්තයාගේ වෙද කම් වලට සාත්තු කරන්න ගෙදර කෙනෙකුත් අරං යන්න පුළුවං"
"හ්ම්ම්ම්...... අපි බලමු ඉස්සරහාට" 
" ඔයා එහෙම යනවා නම් යන්නේ ලිහිණිව හම්බ උණාට පස්සේ නේද"
"ඒ කෙල්ල පව්. දැං මොන වගේ තත්වෙකින් ඉන්නවද දන්නේ නෑ...... "
ඒත් එක්කම වාහනයක් අපේ ගෙවල් ලඟ නතර කරනවා මට ඇහුණා..... මම නිකමට ඒකෙන් බැහලා ගෙට ගොඩ වෙන එකා දිහා බැලුවා. හත්වලාමයි මේ තල්මසා නේද?

12 comments:

Dakshina said...

මූත් පැන්නනේ මෙතෙන්ට!

Aslam said...

මෙන්න මයියා ආයෙත් කන්නයි යන්නේ.............

AmilaArt said...

ohoma yanko

Siribiris said...

//ඒ වෙද ගෙදර පුංචි පුංචි කටු මැටි කුටි වගේලු හදලා තියෙන්නේ//

ආවු..තාරකත් එනව නං සාත්තුවට, කකුල් නැතත් මොකෝ?

Anonymous said...

dul akkiiiiiiiiiiiii ay ane blog eke parakku,,??? :( :(

ඉලංදාරියා said...

මයියා ආයම කයිද ....

Anonymous said...

huuuuu..... dan mokada wela thiyenne? assignment eke result awith eka celebrate karanawada?

please.. ape kale nasthi karanne nathiwa meka iwara karala danna.

Anonymous said...

Ane Dulo... Mokade ban wela thiyenne. Umba asaneepayenya..? Thawa kee dawasak mehema balagena innada ban. Den nam mula, meda, aga amathaka wegena yanawa daruwo..... Budu Saranin ikmanata kathawa danna puthe....

Anonymous said...

im 100% agree with the 2nd anonymous...

Anonymous said...

:O :O ane ehama dul akkite katha karane epa,, eya mokak hary ekka nisa busy athi natham aniwaryenma danewa post ekak,, meke iwere karane kiyane epa ehema,, oya kawude ehema kiyane,, :( :S

දුල්හරි ඉලංගකෝන් said...

මට සමාවෙන්න ....... මේ දවස් වල කතාව පැත්තේ එන්න තරම් මානසික විවේකයක් නැති උණා..... හෙට අනිවාර්යයෙන් පෝස්ට් එකක් දානවා..... සමරන්න තරම් මානසිකත්වයක් මට නෑ.... ඒ නිසා මට සමා වෙන්න.

Anonymous said...

pawu ane dull akki,, oyqa kamathi welaweka danne akki post eke ,, am here to read :D dnt wry,,

Post a Comment