පිටුව

Wednesday, September 8, 2010

68 කොටස



කිටි කිටියේ කට බැඳලා තියන විදියට  හුස්මක්වත් ගන්න පුළුවංද මන්ද...? මම අර තඩියා දිහා බැලුවා ඌ දාගෙන බයික් එක ලඟ බිම දණ ගහගෙන වැඩ.... කවුද කින්ද මන්ද බලන්නෙ නැතුව මම කට බැඳලා තියන රෙද්ද ගලවලා දැම්මා... කකුල් දෙකත් ලියලා මම එයා දිහා බැලුවා... මෙයා මා දිහා බලන්නෙත් රීරි යකාගේ මල්ලිගේ මස්සිනා දිහා බලනවා වගේ...
"සද්ද නැතුව මාත් එක්ක එන්න..." මගේ කතාවෙන් අපාරදෙ කියන්න බෑ එයාත් වටපිට බලලා වාහනෙන් බැස්සා.. පස්සේ මගෙ පස්සෙන්ම භූත බිල්ඩිමට මුවා වෙලා පිට පස්සටම ලිස්සලා ගියා... මෙතනින් එහාට යන්න තැනක් නෑ.......ඒත් එක්කම අර බිල්ඩිම ඇතුලට ගිය සික්කා කෑ ගහන්න පටන් ගත්තා
" වාහනේ ඇරගෙන ගෑනි පැනලා ගිහින්..." අර තඩියා බයිසිකලේ අතගගා හිටපු පොර ඒක පැත්තකින් තියලා වාහනේ පැත්තට දුවගෙන ආවා.. මූ ජොලියට හරි මෙපැත්තට ආවොත් මෙයත් එක්කම මටත් පරලෝකෙට දුවන්න තමයි වෙන්නේ... ඒ අස්සේ අන්න බුවා බයිසිකලේ ස්ටාට් කරගෙන පුළුවං හයියෙන් එතනින් මාරු උණා.... හත්වලාමයි දැං මම මොකද කරන්නේ...
"අනේ පුතේ.... මම කියන තැනකට වඳින්නං මාව ඔය මිනිහාට නම් ආයේ අහුවෙන්න දෙන්න එපා...." මෙයා මට දෙයියොන්ට වගේ වඳිනවා මට වඳිනවා... ඇත්තටම දෙයියෝ බුදුන් සිහිවෙලා ඉන්නේ මට.... අර පොල් කුරුමිනියත් බයිසිකලේ අරං ගියා.... ඇට කටු ටික තැලෙනකොට කොහොමද සැප? ඒක ඉතිං මූට තේරිලා නෑනේ....මම අර පැත්ත බැලුවා.... අර බිල්ඩිම ඇතුලේ හිටපු හාල්පාරුවෝ ටිකත් ඇවිල්ලා හොයනවා. මෙතනින් එහාට තියෙන්නේ පාර... පේන තෙක් මානෙම තියෙන්නෙත් පාර ශේප් වෙන්න තැනක් ඇත්තෙම නෑ. අර අත්දෙකෙන්ම ගොරිල්ලෙක් වගේ අත වනන්නේ බුවා නේද? බඩුම තමයි අරූ ට්‍රයිෂෝ එකක් අරං ඇවිල්ලා.... මූටත් එක පාරටම මෝටරේ ගැහිලා ගැහිලා පත්තු වෙනවා. මම අර බවලතාවත් ඇදගෙන ඒ පැත්තට දිව්වා.... මේක ඇදගෙන යන එක කරත්තයක් රිවස් යනවා වගේ........... මාර ගේමක් දීලා මෙයාව ඇදගෙන ගිහින් ට්‍රයිෂෝ එකට රිංගවාගත්තා ඒත් අම්මපා අන්තිම මොහොතේ අර හිටිපු කල්වැද්දෙක් මේ ගෑනු පරනේ සායේ කොණක් දැකලා වගේ ට්‍රයිෂෝ එකෙ පස්සෙන් දුවගෙන ආපි. අපේ ට්‍රයිෂෝ අයියාත් ඇද්දා ඇදිල්ලක් මේක රෝද තුනෙන් යන එකක් කියලා නොදැනෙන්න.... අරුන්ව මග ඇරිලා ගියා.. බුවා ඔලුව දාලා උන් එනවාද කියලාත් බැලුවා. උන් තියා උන්ගේ නැට්ටක්වත් නෑ....
"කොහෙටද යන්නේ...?" ට්‍රයිෂෝ අයියා කෑ ගහලා ඇහුවා තාම මේකේ ස්පීඩ් එකනම් එයා අඩු කලේ නෑ. මම හිතන්නේ මෙයා අපිට වඩා බය වෙලා වගේ....
"මයියා....." බුවාත් මගෙ දිහා බලනවා... ඇත්තටම කොහෙද දැං යන්නේ මටත් මෙලෝ අයිඩියා එකක් නෑ
" කොහෙද ඉන්නේ....?" මම එහෙම ඇහුවා.... අර මොකද්ද එකට අහුවෙච්ච මාමයිට් පියනක් වගේ ගෑනි මගේ දිහා බලාගෙන ඉන්නවා... මෙහෙම බලන් හිටියොත් මට පිළිකුල් භාවනාව තමයි කරන්න වෙන්නේ...
"බුවා... මෙයාව කතා කරවන්න කටට බුල්ටෝ එකක්වත් දාන්න වෙයි... මෙයාව අපේ ගෙදරට අරං යමු"
යන්න තිබ්බ ලඟම තැන ඒක වෙච්චි....ඒත් ඉතිං මෙයාව එහෙ ගෙනිහිං මට මෝචරියේ නිදා ගන්න වෙයිද දන්නේ නෑ තාත්තාට සතුට වැඩි වෙලා...... සමරනායකයා හොඳ එකා වෙයිද දන්නේ නෑ තාත්තාට වඩා. ඒත් ඉතිං වෙන ගන්න වංගුවක් නෑ... ඔන්න ඔහේ අපි ගෙදරට හැරෙව්වා.
"මයියා උඹ ගෙදර පලයං.... මම මේ අයියලාගේ ස්ටෑන්ඩ් එකේ බයිසිකලේ දාල ආවා... ඒක අරගෙන එන්නම්...."බුවා අපිව දොට්ට දාලා ඒක ඇතුලෙම හිටියා...හෙනම ගහපිය වතුර ටැංකියට කිව්වාලු අර ඇඟ කිලිපොලායන ට්‍රයිෂෝ සවාරියට මේ යකා අතේ තිබ්බ පන්සීයම අර ගත්තානේ, අනේ දෙයියනේ කියලා ලොකු සහෝදරීට වැඳලා ඉල්ල ගත්ත ගතමන්ට් එක. ඒකත් ඉවරයි.... ඇයි අප්පා මෙච්චර තොප්පි පාවෙලා පාවෙලා මගේ ඔළුවටම හරියට සෙට් වෙන්නේ.... ඒත් මගේ ප්‍රශ්න එහෙමමයි.... දැං තාත්තාට දෙන උත්තරේ මොකද්ද? කොළඹ ගිය තාරකාට උන දේ?,  අර මගේ මස්සිනාගේ ගෙදර හිටපු  ලියුම් සිරියා ? වගේ ප්‍රශ්න අස්සේ තව අළුත්ම ගැජමැටික් එකක් සෙට් උණානෙ ගෙදර ගේන්න. මට මේ ඔක්කොම දැං ජම්බෝල වෙලා තියෙන්නේ.... හිතන්නත් කලින් තාත්තා ගෙදරින් එළියට බැස්සා...මාව සීතල වෙලා ගියා.... කොහොමද සීතල යන්නත් එක්ක කන් අඩිය රත් වෙන්න කෑවොත්.. එක වැරැද්දක්ද මම කලේ මෙතනම කියලා වැරදි කීයක්ද?.......
"කොහෙද ගල් බූරුවෝ ගියේ...." ඇත්තම කිව්වොත් සත්තු වත්තේ උණත් ඔහොම සත්තු හොයා ගන්න නැතිව ඇති. තාත්තා මගෙන් ඇහුවට ඇස් දෙක තිබ්බේ මා එක්ක ඉන්න බවලතා ලඟ
" අනේ තාත්තේ මේ ඇන්ටිට උදව්වක් කලා ඒකයි පරක්කු උණේ...." ලයිට් එළිය දැනුයි මෙයාගේ මූණට වැදුනේ.... අප්පට සිරි මෙයා හොඳටම අඬනවා... කටෙන් එළියට ලේත් ගලනවා.... කොණ්ඩේ කපුටගෙන් ඉල්ල ගත්ත හෙයාට් ස්ටයිල් එකක් වගේ...ඇඳගෙන හිටපු ඇදුමත් තැනින් තැන ඉරිලා ගිහින් හැබැයි පිටකොටුවේ ස්ටේෂම ලඟ ඉටි රෙද්දක් එලා ගත්තා නම් හොඳගානක් හොයා ගන්න තිබ්බා......
මෙන්න අර ගෑනු කෙනා අපේ තාත්තාටත් අත් දෙකම එකතු කරලා වඳිනවා....මෙයාට අපේ පවුලම පේන්නේ දිව්‍යලෝකයක් වගේද දන්නේ නෑ...
"අනේ මහත්තයෝ...... මම නිසා මේ දරුවාට දොස් කියන්න එපා..." ෂා......... මරුනේ.. මම වෙනුවෙන් කතා කරගන්න කෙනෙක් දැං මටම කියලා ඉන්නවා...
"කවුද තමුන්...?"තාත්තාගේ කුංච නාදේට අපේ ගෙදර හිටිය අපා දෙපා සිව්පා ඔක්කොමලා එළියට බැස්සා..
"මගේ නම සුමනා..... අවුරුදු විස්සකටත් වඩා මම රස්සාවක් හැටියට කලේ ලොකු ලොකු ගෙවල් වල වලං හේදුව එක" සුමනා මනා ලෙස නොමනා අයුරින් අඬන්න ගත්තා....තාත්තාත් සිරාවටම අවුල් උණා... මගේ දිහා දිය රකුසු බැල්මක් දැම්මා...
"හරි යමුකෝ ගෙට..." සුමනා කඳුළු එහෙම වක්කර වක්කර ගෙට ගොඩ උණා.... ඔයින් ගියා මදෑ.... දැං මගෙන් ප්‍රශ්ණ වැඩිය අහන එකක් නෑ.... අම්මා ඉතිං කවදත් වගේ දඩිබිඩියේ කුස්සියට දුවන්න ඇත්තේ කේතලේ ලිපේ තියන්න... අයියා ඇවිල්ලා මගේ කරට අත දැම්මා...
"කොහෙන්ද බං මේ පරණ එංජිම හොයා ගත්තේ...?"
"දිගකතාවක් ලොක්කයියේ... මටත් දැනගන්න ඕනේ මෙයා කවුද කියලා තමයි" අම්මා අපරාදේ කියන්න බෑ තේ කෝප්පයක්ම හදලා දුන්නා...සුමනා කවදාවත් තේ කෝප්පයක් දැක්කේ නෑ වගේ බීගෙන බීගෙන ගියා.... මම බලාගෙන හිටියේ දැං කෝප්පේ ගිලෙයි දැං කෝප්පෙ ගිලියි කියලා
"මොකද්ද පොඩි පුතා උණේ...?" අම්මා මගෙ ලඟටම ඇවිල්ලා ඔළුව අත ගානකන් මම හිටියේ වෙනම ලෝකෙක...
"මම දන්නේ නෑ අම්මේ... මොකද උණේ කියලා අහන්න ඕනේ මෙයාගෙන්..."
" මට ගමට යන්න උදව් කරන්න මහත්තයා..." අම්මලා තාත්තාලා ඉස්සරහා මට මෙයාගෙන් හරස් ප්‍රශ්න අහන්නත් බෑ....නංගි අර සුමනා ලඟට ගිහින් බලාගෙනම ඉන්නවා...මම මාර ගේමක් දීලා නංගිව මගෙ ලඟට ගෙන්න ගත්තා...
"අනේ පව් පොඩි අයියේ නේද?" මේ සමයම අතකුත් කම්බුලේ අලෝගෙන  පොල්පැලේ දියා හරකා බලන් ඉන්නවා වගේ  ඔහේ බලාගෙනම ඉන්නවා
"මේ ඕයි.... හිමින් සැරේ නැන්දලාගේ ගෙදරට කෝල් කරලා තාරකා ගැන අහනවාකෝ..."
"ආ... කියන්න බැරි උණානේ....තාරකා කෝල් කරලා කිව්වා.. එයා ගෙදර ආව කියන්න කියලා" මේ හැලපි දැංනේ ඒක කියන්නේ....මම මේ තැම්බිලා තැම්බිලා බෙරි වෙලා.... මුන්ට ඉතිං කිසි ගානක් නෑ.... ඒත් එක්කම තාත්තා සුමනාගෙන් තව හරස් ප්‍රශ්නයක් ඇහුවා
"කොහෙද දැං මෙච්චර කල් හිටියේ...?"
"මම සමරනායක කියලා මහත්තයෙක් ලඟ වැඩ කලේ..." තාත්තා මගේ දිහා බැලුවේ යකාට යකා වැහිලා වගේ. සාදාරණයි ඒ බැල්මනම් මම පිච්චිලා ගියාට
"ඉතිං මොකද්ද හේතුව එහෙන් එන්න...?" මෙන්න අයේ ප්‍රශ්නයක්,,,
"ම ම... එහෙ ඉන්න බැරුව පැනලා ආවා..." ඒත් එක්කම නංගි මගේ කනට ලං උණා....
" මම තාරකාට කෝල් එකක් ගත්තා... අන්න දැං ලයින් එකේ ඉන්නවා....." මම අර ගෑනිගේ අඬෝවැඩියාව පැත්තකින් තියලා ෆෝන් එක ලඟට ගියා
"තෙනුර...."
"කොහෙද තමුසේ එපා කියද්දි යන්නේ...?"
"මම කොහෙවත් ගියේ නෑ..."
"කොළඹ ආවේ ඇයි...?" මෙයා කරලාත් නෑ කියන හැටි විතරක්
"මම කොළඹ ආවේ නෑ.... තාත්තාගේ මරණේ ගැන යමක් දන්න කෙනෙක් මට කතා කලා... කිව්වා පැය දෙකක් ඇතුලත මාව හම්බ වෙන්න එනවා කියලා... කුමාරි ඇන්ටිලාට කියලා ගියේ අත්තම්මා බලන්න යනවා කියලා ... එතකොට පරක්කු උණත් බය වෙන්නේ නෑනේ..."
"කොහෙටද එනවා කිව්වේ...?"
"කෑගල්ලට"
"ඕක කියන්න තිබුණේ නෑද්ද?"
"ඉතිං මම කියන්න කීපාරක් කෝල් කලාද?" දැං බලනකොට මට වඩා තාරකාට මල පැනලා.
"හරි මම කිව්වා ඔය කොළඹ කට්ටිය එක්ක ඇයි හොඳයි තියා ගන්න එපා කියලා"
"මේ කතා කලේ සමරනායක අංකල්ගේ පවුලේ කෙනෙක් නෙවෙයි"
"ඒකත් එහෙමද? මොකද්ද එයාගේ නම...?"
"දන්නේ නෑ"
"මාර බඩුවක්නේ ඔයා..... නමක්වත් දන්නේ නැතුවද හම්බ වෙන්න ගියේ...?"
"එයා කලබලෙන් කතා කලේ.... අනික අහිංසක ගෑනු කෙනෙක් වගේ..." මම පොඩ්ඩක් සෙන්ටිමන්ටල් උණා... තාරකාට කෝල් කලේ දැං මේ අපේ ගෙදර ඉන්න සුමනාවත්ද? මම තාරකාට මොකුත්ම නොකියා ෆෝන් එක තිබ්බා.... එහෙමනම් ඔක්කොම වැඩ ලේසියි....මම සාලෙට දුවගෙන ගියා... ඈ යකෝ මේ ටිකට මේ ගෑනි කොහෙ ගියාද?
"කෝ අර ගෑනු කෙනා...?" අක්කා දොර ලඟ ඉඳං ඇතුලට ආවා...
"තාත්තායි අයියායි එයාව ගමේ බස් එකට ඇරලවන්න ගියා... කොටුවට යනවා කිව්වා පාරට ගිහින් ට්‍රයිෂෝ එකකින්."
" ඒ මොකෝ ඒ...."
"ඒක ඉතිං මම දන්නේ නෑ..... කොහෙවත් ඉඳලා ආව ගෑනු කොහොමත් මෙහෙ තියාගන්න බෑනේ මයියා...." ඇයි හත්දෙයියනේ... මටම මෙහෙම වෙන්නේ....

8 comments:

ප්‍රසා said...

කව්ද මේ සුමනා???

ආදර කතාව said...

ඔය සුමන කියන්නෙ ලිහිණිගෙ අම්මාවත්ද? එතකොට අර ඊයෙ ලියුමක් විසි කලේ තාරකාගෙ අම්මද? ඇත්ත දැනගන්න ඕනනම් මෙන්න මෙහෙමයි කියවන්න.

අනේ ඉක්මනට දාන්න

අභීත said...

කලු කොට සුමනවතී....
දැක මගෙ හද ගැහෙන හැටී....

කන පෙලෙන්න බීල ඇවිත් මේක කියෙව්වා.. වෙරි වැඩි උනාද මන්දා....

Aslam said...

හරි වෑඩක් නේ මේක.. දෑන් හොයපන්කො සුමනා ගෑන.. අනෙ පව් මයියා හෑම වෙලෙම මොනවා හරි ටොපියක් සෙට් වෙනවා නේ

හසී said...

අපොයි තියෙන ප්‍රශ්න මදිවාට දැන් සුමනෙකුත් ඇවිත්නේ :O

පිස්සා පලාමල්ල said...

සුමනා කිව්වෙ අම්මද ලිහිනිගෙ ? වෙන්න බැහනේ... කෝ මෙයා ඉතුරු කොටස දන්නේ කවදද ?? හි හි

Siribiris said...

මයියා සහ ගැන්සිය දැං හෝ ගාලා රහස් පරීක්ශක වැඩනේ. මට නං අර පරණ මයියා තමා හොඳ. හි‍ටු කියලා කඩනකොට දොස් කීවාට මොකෑ, ඌ මල් කඩන්න දෙයියා.

අනේ නොනෝ, ඌටත් ආයි ඔය මලක් දෙකක් කඩලා, පිනක් දහමක් කරගන්න ඉඩ දුන්නොත් නරකද?

Anonymous said...

mara sotry eakaknea ... ada thama kiyawanna patangaththea ... kotas serama kiyewwa ... udea patangaththa gaman danuie ewara kalea ... mara sotry eaka ... akkada, nangda kiyala dannea naha .. kawru unath ... story eaka marea maru ... jaya wewa ... :D :D

Post a Comment